Policia e Shkodrës ka bërë të mundur ndalimin në kohë të një konflikti me armë në fshatin Bushat të Vaut të Dejës.
Blutë e Shkodrës arrestua në flagrance Zefjan Çunin, 40 vjeç, i cili pas një konflikti me 40-vjeçarin, Z. Ll. Ka qëlluar me armë gjahu në drejtim të automjetit të tij. Për fat të mirë nuk ka pasur të lënduar.
Shkaku i konflikti mësohet se ka qenë për motive të dobëta, ndërsa mbi Zefjan Çunin rëndon akuza e tentativës për vrasje.
Njoftimi i policisë
Policia ndërhyn në kohë dhe parandalon përshkallëzimin e një konflikti, ku një shtetas ka përdorur një armë gjahu.
Policia arreston në flagrancë autorin
Sekuestrohet arma e gjahut
Më datë 07.03.2018, rreth orës 14:45, në fshatin Bushat të Vaut të Dejës, ka ndodhur një konflikt mes dy shtetasve, ku më pas njëri nga personat e përfshirë, ka qëlluar me armë gjahu në drejtim të automjetit me të cilin po largohej shtetasi tjetër.
Shërbimet e Policisë, pas marrjes së njoftimit, kanë shkuar menjëherë në vendngjarje, ku falë veprimeve të shpejta operacionale, është bërë e mundur kapja dhe arrestimi në flagrancë i shtetasit:
Zefjan Çuni, 40 vjeç, banues në fshatin Bushat.
U gjet e u sekuestrua arma e gjahut e përdorur nga ky shtetas. I lartpërmenduri, si pasojë e një konflikti për motive të dobëta, ka qëlluar me armë gjahu në drejtim të automjetit që drejtohej nga shtetasi Z. Ll. 40 vjeç, por pa shkaktuar pasoja.
Materialet u referuan në Prokurorinë e Rrethit Gjyqësor Shkodër, për veprime të mëtejshme.
